* * *

Сьӧлӧмӧй бӧрдӧ и сьылӧ,
Виралӧ быдсяма ног:
Том кадӧй лэбзьӧма ылӧ,
Кольӧма пальӧдтӧм шог.

Мый менам олӧмӧй тайӧ?
Кутшӧм эм — ачым ог тӧд.
Мый на пӧ водзысьсӧ вайӧ...
Шогысла кӧть сэсся пӧд,

Некор оз бурасьлы сьӧлӧм,
Оз волыв колӧмлы пом,
Оз бырлыв морӧсысь сьылӧм —
Сьӧлӧмӧй пыр кольӧ том.

Морӧсӧй тырӧма шогӧн,
Пыкӧсыс некыдз оз письт.
Эськӧ нӧ лэччис жӧ шорӧн,
Но... весиг оз синва тусь пет.