×

Status message

Do something on load!

ШЫДТӦ АЗЯЛӦМ БӦРАД КАЗЯЛІН!
Мельниклӧн мудӧдті письтӧма помӧд, Пычкӧ сэт, петӧ ньӧжйӧник ва... (Удж эськӧ эз ло зэв ыджыд, Тупкӧма вӧлі кӧ ичӧтдыр вывсьыс). Но мельникыд водза-водз прӧста эз тӧждысь. Розьыд нӧ лунысь-лун пыр ӧтарӧ ыдждӧ, Войтсяньыд босьтчис нин визувтны шорӧн... Мельниклы шуӧны, эн пӧ узь, колӧкӧ, зон! — Кырӧдас помӧдтӧ дзоньӧн. Пельсӧ эз лапнитлы изысь. «Оз на ков море тыр ва, — шуӧ. — Тырмас на мем. Ставыс оз пет...» Ваыд нӧ ӧддзӧ, пыр ӧддзӧ: Визувтны розьӧдыд мӧдіс пельсаысь моз нин, Ортсыті мунӧ став ваыс. Воис жӧ медбӧрти пом: Изкиыд сувтіс, мельнича изӧмысь дугдіс. Сайкалі изысь. Горзӧ сэн, шогсьӧ. Мӧвпалӧ: «Кыдз эськӧ бӧр йӧртны васӧ?» Ветлӧдлӧ помӧд дор, видлалӧ: Ыджыда кырӧма мудӧд! Мый керан? Сэк шӧрӧ-водзӧ чипанъяс ва дорӧ юыштны локтӧмны. Скӧр вӧлі сійӧ лун изысь, Горӧдіс чипанъяс вылӧ: «Уйлаяс! — шуӧ. — Локтӧмныд сэтчӧ тшӧтш ва юны менсьым, сідз нин оз тырмы-а!» Скӧрвывсьыд кватитіс пес плака, шыбитіс — чипаныд кулі. Локтіс изысь морт гортас чипантӧг, ватӧг.
Вуджӧдысь: 
Гижӧд
Шыдтӧ азялӧм бӧрад казялін!
Жанр: 
Ӧшмӧс: 
Оригинал гижысь
Крылов Иван Андреевич
Пасйӧд: 

* Мудӧд — муӧн потшӧмин, плотина.
* Помӧд — ки помысь вӧчӧм ва видзанін, пруд (авт.).

Крылов серти

lkejrlkelkrgner klrjnelknfrkl ekjnrjkenfrej