ШОЙЧЧӦ ТУВСОВ ВОЙ
Пемыд. Абу кодзув. Шойччӧ тувсов вой. Лӧньӧм. Ветлысь шоч зэв. Муыс — сьӧд роч ной. Шоныд тувсов войӧй, Мыйкӧ меным мойд! Мойд... но, зарни чойӧй, Сьӧлӧмӧс эн дойд! Вына йӧзлысь вылӧм, Веськыд тышлысь гор, Джуджыд сьӧлӧм кылӧм — Мойд мем татшӧмтор! Уси чужӧм вылӧ Йи кодь кӧдзыд войт... Дугды! Важ жеб вылӧм Менсьым тэ эн мойд! Потліс енэж мышкын... «Юг-юг», «чуж-чаж»... «грым!» Пемыд кымӧр пытшкын Мурзіс чорыд гым. Гӧгӧр грымакылӧ. Кырссьӧ кӧшысь моз... Уси мем дум вылӧ Кымын олӧм роз! Кобис. Абу кодзув. Муыс — сьӧд роч ной. Кутш моз шлывгӧ водзӧ Чуймӧм тувсов вой. Долыд тувсов войӧй, Ещӧ мыйкӧ мойд! Мойд... но, зарни чойӧй, Сьӧлӧмӧс эн дойд! Али чард-гым шыад Эштіс мойданкыв? Петӧ кельыд кыа — Зарни синма ныв.
Гижысь: 
Гижӧд
Шойччӧ тувсов вой
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1