ШОНДІ ПЕТІГӦН, ОЛӦМ КУСІГӦН

Шонъянӧй Иона вокӧлы
Югдӧ. Вок менам узьӧ, Узигтыр садьтӧгыс чердлӧ — Ӧтарӧ, коньӧрӧй, эбӧссьыс усьӧ… Сьӧлӧмӧй менам сэн бӧрдӧ. Коньӧрӧй, вокӧй! Сэтшӧм мен жаль тэ. Кыдзикӧн олан тэ медбӧръя лунтӧ, Висьтыштны сы йылысь сӧмын ме кужа, Сійӧ здукъяссӧ ас кежын пасъя.
.................
Вадорын садьмӧма, кылӧ, Ёдіюр кольпалӧ-сьылӧ… Вижӧдӧ, пӧртмасьӧ-гыӧ, Кыа тай кыпӧдчӧ, кыа!.. Котӧртіс тэрыба тӧврутор, Лун йылысь юӧртор сетысь, Пожӧмын шувгыштіс, кыдз пу кор Шарӧдіс, муніс. Вешйӧ нин рытывлань кымӧр, Пышйӧ нӧ вой зэрысь кунӧр. Шонділӧн югӧр нин му вылӧ усьӧ — Став йӧзыс узьӧ на, узьӧ… Куим час. Чукӧстчис петук, Сикт вылын кылыштіс ылын. Шпарнитіс гӧрд морӧс пинькай Ӧшиньдор матыник пуын. Чипӧстіс пӧв-мӧдысь, лэбис. Эн-ӧ тэ вокӧйла, сильӧӧй, волы? Лунвылын тыдалӧ Эжва, Югъялӧ лӧз вевъя эжъя… Лэбалӧ-вермасьӧ шондікӧд кыа, Енэжыс — зарниа гыа.
.................
Пальӧдышт юр садьӧс, асылӧй-чойӧй!.. Ну менсьым шогъясӧс, Эжваӧй-юӧй!
Гижысь: 
Гижӧд
Шонді петігӧн, олӧм кусігӧн
Жанр: 
Гижан кад: 
Ӧшмӧс: 
Пасйӧд: 

* Шонъянӧй — кувсьӧм (авт.).
* Чердлыны — дрӧгмунлыны.

lkejrlkelkrgner klrjnelknfrkl ekjnrjkenfrej

1