* * *

Сэки татшӧм жӧ сулаліс вӧрыс,
Кор ми тӧдмасьлім, донаӧй, тэкӧд.
Кывтіс му весьтті юмов кӧрыс,
Воча шыасьліс йӧлаыс сэки.

Сэки тадзи жӧ валъяліс виддзыс,
Кодлӧн морӧсас дзоридзыс — тырыс.
Ставыс ӧні дзик сідзитӧ, сідзи...
Кыдзи вежӧрӧ йиджис-пырис.

Сӧмын нюмыд тай кӧдзыдджык тэнад,
Сӧмын видзӧдласыд — бокӧ кежӧ.
Но ме сьӧлӧмлысь вийсьӧмсӧ вена —
Ставыс сідзи жӧ, нинӧм эз вежсьы...