САП ПЕМЫД


Сап пемыд сынӧд пыр дзирдалан вӧньӧн
Сыркӧдӧ машина, грымӧдӧ поезд.
Енэжыс, му вылыс узьӧны лӧня:
Сьӧкыда личкӧма сьӧд арлӧн войыс.

Сап пемыд му вылын. Оз ломзьы кодзув...
Став олӧм-вылӧмас эм-ӧ кӧть би кинь?
Эм ӧти... Сьӧд сэтӧр синмыд ме водзын.
Прӧщайтчим... нюммунін... жугыльтчин дзикӧдз.

Сыркӧдӧ машина, грымӧдӧ поезд...
Эн личкы сьӧлӧмӧс, эн дойд юр вемӧс,
Пом ни дор, са кодь сьӧд бубуля войӧй! —
Му вылын сӧдз-югыд сьӧлӧмъяс эмӧсь.