РЫТЫН ПОТШӦС ДОРЫН

Рытын потшӧс дорын
Ышлолалім сёрӧдз.
Долыд кадӧ
Лолыд радлӧ,
Он тӧд кадлысь нёрӧм.

Видзӧдім, кыдз сывнас
Кыа мичтіс ывла,
Муным томмӧ,
Шудным ёнмӧ — 
Бордъяссӧ он сывъяв.

Мен тэ сэки вашкин:
«Олӧмыс-ӧ гажтӧм?
Югыд биӧн
Шоглун виӧ,
Мойд выв мичлун казьтӧ».

Сьӧлӧмтӧ мӧй венан? — 
Окышті ме тэнӧ.
Шуд кӧ юан,
Мый сэк шуан?
Кыв оз веськав тэныд.

Рытын потшӧс дорын
Ышлолалім сёрӧдз.
Долыд кадӧ 
Лолыд радлӧ,
Он тӧд кадлысь нёрӧм.