×

Status message

Do something on load!

РӦДВУЖ
Кыдзкӧ сідз нин ӧні олам: Воклы бур кыв шуны полам, Ӧта-мӧдным дінӧ волам, Сӧмын сэк, кор мыйкӧ колӧ. Олӧмыд тай — юм и кунсов, Рӧдтӧ-вужтӧ нюв кӧть уньсав, Сӧмын Ён син абу куньса, Чукӧртлывлӧ, мед эг вунсьӧй. Кӧлысь, праздник, юбилейяс... Ваньяс, Васьяс, Виталейяс... Сьыв да йӧкты, либӧ певъясь — Ставыс збойӧсь, ставыс змейяс. Праздник йитӧ няньӧн-солӧн, Но ӧд праздникӧн и кольӧ. Быдӧн ассьыс мыйкӧ дольӧ, Кытчӧдз олӧм оз во ольӧ. Чинӧ морт лов вылӧ котыр. Йитӧ ставсӧ сэки кодыр, Кор он тӧд, мый вӧчны, кодыр Морт оз сьыв, оз ворс, оз котӧрт. Кулӧм мортлӧн горт-гу дорын Сӧмын сьӧлӧм бӧрдӧ нора, Аслас жугыль, гуся горӧн Ставӧс ӧтувтчыны корӧ. Сӧмын сэк тай казьтыштлам ми, Мый ми сӧмын гӧсьтъяс тані.
Гижысь: 
Гижӧд
Рӧдвуж
Жанр: 
Гижан кад: 
Цикл: 

lkejrlkelkrgner klrjnelknfrkl ekjnrjkenfrej