ПОВОДДЯ ВЕЖСИГӦН

Тӧла... Кымӧръяс енэжті тӧвзьӧны-мунӧны ӧдйӧ. Сувтовкост мыччысьлӧ лӧзалан пыдӧстӧм енэж. Шондіыс ӧдйӧджык удитлас видзӧдны — зарниа югӧрнас ӧвтыштас мусӧ. Регыд кеж. — Кымӧр пласт бара нин шондіӧс вевттьӧ. Тэрыба котӧртас кок увті кымӧрлӧн вуджӧр, водзиджык видз вывті паськыд гын тубрас моз быгыльтчас ӧдйӧ, асыввыв яг нӧрыс паныд тювгысяс-каяс... Шочаммӧ кымӧръяс. Ӧдйӧ зэв швучкӧ, енэжті мунӧ, гӧнечӧн суӧдӧ мукӧдсӧ медбӧръя кымӧртор... Мунісны кымӧръяс. Весасис енэжыс. Сэзь лои, лӧз. Ӧтнасӧн сӧмын дзирдалан коли сэтӧні шонді!