ПОЭТ

Les fammes оnt tué beaucоup d’artistes,
et les artistes n’оnt jamais tué de fammes.
Югыд тӧлысь петӧм; Югыд тӧлысь вылӧ Видзӧдӧ поэт, И бур лолыс сылӧ… Шоныдик квартира, Кынӧм пӧт… Мый колӧ? Юрам гырысьджык Сэк идея волӧ. «Тӧлысь, тӧлысь! — шуӧ Сідз поэтным кыкысь Ӧти кывсӧ: — Мый Тэысь мичаджыкыс? Эстшӧм югыд тэыс! Няйтӧсь мусяр миян… Тӧлысь! Тэнад, дерт, Ас кодьыд и пиян. Зарни войтыр! Кутшӧм Нывстав кӧнкӧ вылад! Со кӧн гӧтрасьны Колӧ, йӧйяс, кылад… Сэн поэтъяс, гашкӧ, Эз на-й некор вӧвны; Сьывны нывъяссӧ, Гашкӧ, сэн оз ӧвны. Чеччышті ме эськӧ Тӧлысь вылӧ! Сэтӧн Лоа, майбырӧй, Медводдза поэтӧн! Тӧлысь вылын эськӧ Менӧ гӧгӧрвоис Важӧн быдся ныв; Регыд эськӧ воис Медводдза поэткӧд Орччӧн ветлӧдлыны Югыд видз вывті И сэн окасьлыны… Кодыр синмӧс куня, Аддза: сэн ме шуда, Сэн ме ошкантор, Ыджыд, дзик сар суда! Страус-пӧтка сэтӧн Менам жырын сьылас И камелия Узянінын кылас. Сьӧлалӧмӧс менсьым Гурия сэн ӧктас, Ме улын и джекӧй Кукань моза йӧктас!» Тэрмасьӧмӧн тӧлысь, Кыліг сёрни тайӧ, Дзебсис сы бӧрысь Вӧтчысь кымӧр сайӧ. Вежӧра гӧсьт пышйӧ Ӧдйӧн гортас, кодыр Бӧб кӧзяинлӧн Сёрни пом оз во дыр.
Гижысь: 
Гижӧд: 
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1