ПАСЪЯС


Пон котӧртӧ туй кузя. Сувтыштлӧ толтӧм сюръя дорӧ. Лэптывлӧ коксӧ. Тірксьӧдӧ водзӧ.

Зонка петӧ ывлаӧ. Усьӧма лым. Зонка воськовтӧ. Бергӧдчывлӧ бӧрас. Видзӧдлӧ кок туй вылас. Ещӧ некымынысь шлапкывлӧ коксӧ. Видзӧдыштӧ. Любуйтчыштӧ. Пырӧ.

Ныла-зонма пукалӧны гыӧра паркын. Кургӧны. Зон весалӧ лымйысь лабич мышсӧ, перйӧ перӧчиннӧй пурт, вӧлалӧ-баситӧ нывлысь нимсӧ. Окыштчӧны. Мунӧны.

Пӧль домӧ гын сапӧг. Шурсйӧдлӧ то шылаӧн, то емӧн. Нырагез пыдӧ пырӧ дӧмасӧ. Гын сапӧг дӧмсьӧ. Пӧль бергӧдлыштӧ корӧгӧсь киас, любуйтчыштӧ. Сувтӧдӧ паччӧр вылас. Ещӧ ӧтчыд видзӧдлӧ боксянь. Пуксьӧ пызан сайӧ да ырскӧмӧн юӧ тшай.


Гижысь: 
Гижӧд
Пасъяс

lkejrlkelkrgner klrjnelknfrkl ekjnrjkenfrej

1