ӦВВӦ
Пӧчӧ менӧ видзлывліс, Потан дорын сьывлывліс: «Ӧввӧ, ӧввӧ, ӧввӧ...» Пӧчӧ менӧ ланьтӧдӧ, Кыдз пу лайкан дзуркӧдӧ: «Луйк-лайк... Луйки-лайк...» Пӧчӧ сьылӧ нораа, Лайкан дзуртӧ гораа: «Дзурк-дзурк... Дзурки-дзурк...» Зарни пиӧй, узь нин, узь! Сьӧлӧмшӧрӧй, узь нин, узь! «Ӧввӧ, ӧввӧ, ӧввӧ...» Шебрас кокӧнь чужъялас, Ичӧт кекӧнь шыблалас. «Ӧввӧ, ӧввӧ, ӧввӧ...» Пӧчӧ бара тубыртас, Эшкын улӧ шебрӧдас. «Ӧввӧ, ӧввӧ, ӧввӧ...» Кодыр дугдас сьывны пӧч, Кута лӧвтны ачым тшӧтш: «Ӧв, ӧв-ӧв, ӧв...» Пӧчӧ бара нин сьылӧ: «Вӧрын лэбалӧ сильӧ... Ӧввӧ, ӧввӧ, ӧввӧ... Айыд муніс вӧравны, Сьӧла-урӧс лыйлыны... Ӧввӧ, ӧввӧ, ӧввӧ... Зэв ӧд сійӧ ачыс зіль — Ваяс тэныд уна силь... Ӧввӧ, ӧввӧ, ӧввӧ... Мамыд муніс турунла. Регыд локтас... Эн бӧрд, эн! Ӧввӧ, ӧввӧ, ӧввӧ... Быдман — ыджыд лоан морт, Вылӧ лэбзян пӧтка борд!.. Ӧввӧ, ӧввӧ, ӧввӧ... Ачыд кутан вӧравны, Ручьяс, ошъяс кыявны... Ӧввӧ, ӧввӧ, ӧввӧ...»
______
Кузя тадзи сьылас пӧч, Кытчӧдз оз ланьт ачыс тшӧтш. «Ӧввӧ, ӧввӧ, ӧввӧ...» Ывла-н вой тӧв шутьлялӧ, Керка-н шоныд онялӧ. «Ӧввӧ, ӧввӧ, ӧввӧ...» Кага потан довъялӧ, Пӧчӧ сэні вугралӧ. «Ӧввӧ, ӧввӧ, ӧввӧ...»
______
Тайӧ гижа тіянлы, Сьӧлӧмшӧр ныв-пиянлы, Уна олӧм во бӧрын Муса Коми му вылын... Гашкӧ, коркӧ сьылыштлад, Посни чой-вок ланьтӧдлад: «Ӧввӧ, ӧввӧ, ӧввӧ...» Тайӧ сьыланкывъясас, Нора кылан шыясас, Кылӧ вӧрлӧн шувгӧмыс, Коми йӧзлӧн шогӧмыс, Тільсьӧм-мырсьӧм олӧмныс — Кынӧмпӧтсӧ перйӧмныс... «Ӧввӧ, ӧввӧ, ӧввӧ... Ӧввӧ, ӧввӧ, ӧввӧ...»
Гижысь: 
Гижӧд
Ӧввӧ
Ӧшмӧс: 
Пасйӧд: 

* Сильӧ (силь) — посни челядь сідз шуӧны пӧткаясӧс, бордаясӧс.

lkejrlkelkrgner klrjnelknfrkl ekjnrjkenfrej

1