ӦТКӦН


Пемдӧ. Ӧшинь водзын пемыд жырйын пукалӧ нывбаба. Ӧшинь сайсянь лым чиръяс небыдик гыжъясӧн гыжъясьӧны стеклӧӧ. Гортын лӧнь. Пельын тіньгымӧн.

Мед разӧдыштны лӧньсӧ, нывбаба овмӧдіс олысяӧс. Джодж пӧвъяс дзуртышталӧны небыд гӧна кокъяс улын. Сяркнитыштлӧны пӧвъясӧ олысялӧн гыжъяс.

Кранысь тёпкӧ ва. Ньӧжйӧ, ӧти нога, унзіля. Дышпырысь дзугӧ лӧньсӧ. И таысь лӧньыс ещӧ на чуналана.

Олыся уськӧдӧ мыйкӧ орчча жырйын. Ачыс йӧжгыльтчывлӧ виччысьтӧмысла.

Пемдӧ ёнджык. Нывбаба кыпӧдыштӧ пельпом вылысь исковтӧм шальсӧ да ышловзьӧ.

Олыся унмовсьӧ паськӧм видзан шкапын шарп вылӧ куткыртчӧмӧн.

Пӧнар югзьӧдӧ еджыд асфальтсӧ. Лым чиръяс жбыркнитӧны веж кытшӧ да лэбӧны пемыдӧ поезд бияс моз.

Кокни ышловзьӧм. И бара керкаын лӧнь.


Гижысь: 
Гижӧд: 

lkejrlkelkrgner klrjnelknfrkl ekjnrjkenfrej