ӦТКА КЫДЗ ПУ
Тэрыб ёль бокын, сикт кывтыдпомын Тугъя сывъяса кыдз пу со олӧ — Абу пӧрысь, и он нин шу томӧн, Овлӧ кыпыдӧн, зумышӧн овлӧ. Быттьӧ сӧмын на мыссьӧма ёляс, Небыд турунӧ ва коксӧ чышкӧ. Ӧшлӧ морӧсас сьӧд сикӧтш мольяс: Гӧсьтӧс виччысьӧ, воас вот пышкай. Кымын ныв-зон нин окасьліс тані, Кывліс кыдз пуыс «но»-со и «ог»-сӧ. Уна Оля да, Марья да, Анна Сыкӧд юклісны радлунсӧ-й, шогсӧ. Сійӧ стройнӧя сулалӧ ӧткӧн Менам син водзын верӧстӧм ань кодь. Вильыш тӧврукӧд пӧттӧдзыс йӧктас, Лӧньӧ тӧлыс и кыддзыс сэк ланьтӧ. Лысва-синваыс петлас кӧть войын, Оз тай кияссӧ некоді мыччы. Пуртӧн вӧлыштан — морт моз жӧ доймӧ, Кӧть и висьтавны оз вермы кыддзыс. Тэрыб ёльбокса эрд вылын гора Чаня кӧбыла йирсьӧ да гӧрдлӧ... Менам сьӧлӧмӧй овлӧ сэк норӧн, Ӧтка дӧва моз кыддзыс кор бӧрдлӧ.
Гижӧд
Ӧтка кыдз пу
Жанр: 

lkejrlkelkrgner klrjnelknfrkl ekjnrjkenfrej

1