ОЛІС-ВЫЛІС КУЛӦМДІНЫН
Ог нимсӧ нывкаыслысь инды. Ме, чайта, ачыс асьсӧ тӧдас. Ныв оліс-выліс Кулӧмдінын, Эг тӧд сэк сы кодьсӧ ме мӧдӧс. Рытпукны ветлім Эжва дорӧ, Кӧн пашкыр кыдз пу ӧвтчӧ сывнас, Кӧн джыджъяс тивкйӧдлӧны гора Мен гӧгӧрвотӧм сьыланкывъяс. Пӧсь кисӧ шыльӧдышта нывлысь, Дай окасьны нин вӧлі кужа. А тӧвру вӧрӧдыштӧ кыдзлысь Луд вылын куйлысь кокни вуджӧр. Ме нывлӧн кӧса помӧн ворса, А кузь да топыд сылӧн кӧса. И Эжва гы кодь сылӧн морӧс, Код бердӧ топӧдчывны кӧсъя. Ме нылӧс кутлі — ог и соссьы, А коскыс вӧлі гум кодь вӧсни. А синмыс вӧлі дзирйыв восьса, Кыдз быттьӧ майын восьса ӧшинь. ...Ок уна колис сэксянь кадыс, А век мен мича тайӧ аньыс. И киын дзоридзьясӧн дась ме Сы водзӧ сувтны пидзӧсчаньӧн.
Гижӧд
Оліс-выліс Кулӧмдінын
Жанр: 

lkejrlkelkrgner klrjnelknfrkl ekjnrjkenfrej

1