ОКОПЪЯС
Чеччим самолётысь, чужан сиктӧ Нывкакӧд ми локтам. Кайим креж. Сэн окопъяс — черань везъяс быттьӧ, Муртса найӧс вевттьыштӧ лым эж. Помнита, ми найӧс кодйим сэки, Кор гражданскӧй гымаліс война, Ыджыд биа бушков кодыр ветліс, Вӧліс ставнас би пытшкын страна. Аддзис найӧс нывка, меным шуӧ: «Мыйла найӧ чуклялӧны тан? Муяс вылысь ва мед лэдзны юӧ, Али крежлысь мичмӧдны мед бан?» Том на сійӧ, унатор эз аддзыв, Олӧмсьыс оз ставсӧ гӧгӧрво. Мый мен шуны, вежӧрыс мед садьмис? Муніс таті... дас ӧкмысӧд во. Копыртчыв окопъяс вылас: сэні Смертьлы паныд сулаліс салдат. Та вӧсна и — аддзан? — шпоргӧ ӧні Миян сельсӧвет вылын гӧрд флаг.
Гижӧд
Окопъяс
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1