НАСТА
Писӧ армияӧ колльӧдіс Прош Наста, Кӧнкӧ муніс став Россия пасьта. Во джын служитӧ зэв ыджыд карын, Кӧні овліс важӧн, гашкӧ, сарыс. Гижӧ мамыслы корсюрӧ: «Ола бура. Велӧдча, кыдз верма, югда юрӧн. Вӧлі радӧвӧйӧн, ӧні чинӧй содіс, Кӧзыряйтӧ быдӧн, кӧть мед коді...» Миша гижис мамыслы и чинсӧ, Сӧмын пемыд вӧліс Наста, синтӧм. Лыддис сылы школьница, и чиныс вуніс, Со и сусед ордас Наста муніс. Пессис бушков, тола вӧлі тырыс. Нинӧм. Муніс. Вась Степ ордӧ пырис. — Пуксьы, Наста, пызан сайӧ, сёям. — Аттьӧ, — шуис Наста. — Муртса на ми сёйим. — Гашкӧ, могӧн? Тэрмасян кӧ, висьтав, — Дерт, эм мог, да сёйигӧн мӧй лысьта? — Мый нӧ оныс? Ставӧн ӧд ас войтыр. Вын кӧ судзас, могмӧдам, ог дойдӧй. — Мишсянь воис гижӧд талун гортӧ, Кыпӧдӧмны сійӧс ыджыд мортӧ. — Но и мый нӧ? Бур. Ми поздравляйтам! Медым кыптӧ водзӧ, мортыс айтӧм. — Кутшӧм чин нӧ сетӧмаӧсь сылы? — Вуні ме, а чиныс вывті вылын. — Эз жӧ ӧд сэн кыпты капитанӧдз? — Вылын! Шуны кыв оз бертчы тані. — Гашкӧ нӧ, майор? — Мӧд чиныс сылӧн, — Сідзкӧ нӧ, полковник? — Абу. Вылын. — Но ӧд генераллысь сылы чин эз сетны? — Енералсьыс вылын. Кыв оз бертчы... — Маршал? — Кутшӧм маршал?! Нӧшта вылын. Ставыс пӧ дзик кӧзыряйтӧ сылы. — Дивӧ жӧ, чин сылӧн кутшӧм ыджыд! Тӧдмалӧмын сувтіс веськыд мыджӧд. Гашкӧ нӧ, сержант? Эм сэтшӧм званье. Куим лычка сылӧн погон паняс. — Вот! Сержант и эм! Тадз лыддис меным Алла. А ті кайтанныд сэн енералъяс! Мися, енералсьыс сійӧ ыджыд. Пемыд ме, но абу на дзик выжыв!
Гижӧд
Наста
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1