МЕНАМ ШУДӦЙ

Менам шудӧй, менам яръюгыд, ылі да судзӧдтӧм кодзулӧй. Ӧтнад тэ менам. И некодлӧн сэсся абу. Коркӧ, важӧнсьыс-важӧн, аддзи ме тэнӧ пемыд чужӧма тӧвся енэжсьыс — и тэнад куслытӧм дзирдыд югзьӧдіс менсьым сьӧлӧмӧс ыпъялысь биӧн.

Сэксянь тэ мекӧд, помтӧм менам муслунӧй. Кольӧны лунъяс и вояс, кадыс визувтӧ ваӧн, но мый кӧть ог вӧч ме — бӧрда кӧть серала, выльысь и выльысь кӧть помтӧм туйясӧд пышъяла ачымысь, радейта кӧть енэжсьыс мукӧд кодзувлысь мичсӧ, — век ме кыла и аддза, кыдз видзӧдӧны, тӧдӧны, сотӧны менӧ тэнад чӧв олысь синъясыд.