МАЙ ТӦЛЫСЬ ВОДДЗА ЛУН
Мый талун йӧзыс шызьӧма Быд карын, грездын, сиктъясын? Мый му пасьтала ӧтпырйӧн Гаж, сьылӧм, горзӧм кыптӧма? Мый быдла-н йӧзыс новлӧдлӧ Гӧрд ӧти пӧлӧс плаг? Код вермис йӧзсӧ ӧтлаӧ Став му пасьтасьыс ывлаӧ Тшӧтш петкӧднысӧ, — код? Код шуис сэсся йӧзыслы, Мед ӧти пӧлӧс дӧрапас Тӧв пожъяліс лунтыр? Быд карын, грездын, сиктъясын, Быд муын, уна кыв вылын Сюрс ногӧн ызгӧ йӧз: Кӧн гажӧдчӧны, сьылӧны, Кӧн сьӧлӧмысь зэв висьталӧ Сюрс йӧзлы ӧти морт. Быд сьыланын, быд сёрниын, Быд горзӧмын, быд гижӧдын — Быдлаын ӧтитор: «Став уджалысьяс, ӧтувтчӧй, Тшыг коньӧр йӧзӧй, кыпӧдчӧй, Мед бырӧ йӧз кост лёк!» Оз петны уна йӧз дінӧ, Оз ыдждӧдлыны тайӧ лун, Код кедзовтіс пыр удж: Ас зарни-эзысь керкаас — Шӧвк, шыльыд ноя, вӧччӧмась; Зэв налы талун шог. Быд сьылӧмын, быд горзӧмын, Мый ывласьыс тӧв пыртыштӧ, Пель налӧн кылӧ: «пом!» Ок, эштіс тай шань олӧмыд. Йӧз сьылі вылын ислалӧм!.. Оз дорйы весиг ен...
Гижысь: 
Гижӧд
Май тӧлысь воддза лун
Жанр: 

lkejrlkelkrgner klrjnelknfrkl ekjnrjkenfrej

1