МАМЪЯСЛЫ

«Нылӧй, мамӧн лоны сьӧкыд,
Уна сюрлас сьӧлӧм дой.
Ӧкмас олӧм чӧж не ӧти —
Лыдтӧм-тшӧттӧм узьтӧм вой.

Верӧс понда сідз он вийсьы,
Кӧдзаласны чой и вок.
Вунӧдан ас мам-бать йывсьыд,
Кӧть и морт тэ абу лёк.

Но он вунӧд ассьыд чужтас,
Муслун сьӧлӧмсьыд оз ям,
Кытчӧдз смерть оз нетшышт вужтӧ», —
Тадзи велӧдлывліс мам.

Мый нӧ татчӧ содтан сэсся,
Вына мамлӧн шуӧм кыв.
Дзик став мамъясыслы месянь
Гижтӧм на бур сьыланкыв.