ЛЫМ

...Пушыд лымйыс — воясыслӧн бус.
Быттьӧ нэмъяс вӧрзьӧдчывтӧг олӧ,
Нэмъяс быттьӧ — тола вылын тола.
Лым чир бӧрся лым чир йиджӧ лолӧ.
Быттьӧ кынмӧм, топалыштӧм ру...

...Шаня кургӧ саридз мында лым.
Тані лымйыс — медся уна светас.
А ме сэтчӧ дзибрӧс пыжӧн пета,
А ме бара туйтӧм туяс — тэтӧг,
Сӧмын лымйыс гижӧ тэнсьыд ним...

...Бара лымйыс пырис керка джын:
Сӧмын ӧдзӧс восьтылан — и туӧ...
Сӧмын бара ывла вылас турӧб
Тола весьтас мыйкӧ ноксьӧ-пуӧ,
Быттьӧ ылі пывсянъяслӧн тшын...