* * *

Ловъя ловсянь да ловъя лолӧдз
Векни вӧлӧкыд сэтшӧм кузь…
Быттьӧ му весьтас Войвыв кодзув:      
Чайтсьӧ — матын, а он тай судз.

Войвыв кодзувлысь видлы юав:
Мыйла чусмӧма югыд син?
Кытчӧ вошӧма сӧстӧм югӧр?
Мыйла сьӧлӧмыс из кодь кын?

Гашкӧ, ачыс нин сійӧ кӧсйӧ
Юкны морӧсас пессьысь дой!
Сӧмын полӧ. Ачыс оз вӧзйысь:
Сэтшӧм овтӧм да ловтӧм вой.

Сэсся збоймӧ да висьтасьӧ помӧдз,
Ылькйӧ ытваӧн норасьӧм-мудз.  
…Сӧмын ловсянь да ловъя лолӧдз
Векни вӧлӧкыд сэтшӧм кузь…