ЛЭБӦНЫ ЮСЬЯС
Енэжті сьыланкыв исковтӧ нор, — Юсьяслысь прӧщайтчан ӧвтӧмсӧ аддза. Мусаяс, бара нин эновтад горт, Туйвизьныд сыланьӧ, кӧні лун саридз. Йӧз муӧ лэбзьыны мен кӧть оз ков, Морӧсын сьӧлӧмлы мыйлакӧ дзескыд... Кымӧръяс пӧвстын мед эз мудзлы лов, Сынӧдса вӧлӧкыс лои мед веськыд. Ог кӧрит тіянӧс, ни ӧти ог, Аскӧдныд нуад кӧть войвылысь гожӧм. Нырщиктӧ кузь туйын оз нюкырт шог, — Йӧктысь яр кодзувъяс оз лэдзны вошны. Жальлунӧй ас пытшкӧ весиг оз тӧр, — Регыд нин дзебсянныд енэжтас сайӧ... Быдтысьны локтігад, донаяс, бӧр Пармаӧ шоныдсӧ сьӧрсьыныд вайӧй.
Гижӧд
Лэбӧны юсьяс
Жанр: 

lkejrlkelkrgner klrjnelknfrkl ekjnrjkenfrej

1