* * *
Лэбӧны медбӧръя коръяс, Пуксьӧны лӧня зэв борйӧ, Эбӧсныс бырӧма. Вынтӧм Корйӧс нин пуж частӧ кынтӧ. Кӧдзалӧ ваыс и муыс, Вой тӧлыс гожӧмсӧ нуис, Лунвылӧ тэрмӧдліс-вӧтліс. Шоныдсьыс эг и ме пӧтлы. Кузь тӧвсӧ вуджа кӧ эськӧ, Оз на ло олӧмыс веськодь. Муслунӧй видзас на водзӧ, Босьта на олӧмлысь водзӧс. Мед нӧ кӧ ыршасьӧ ӧні, Нетшыштіс шудӧс, и кӧні Дзебсясьӧ, ветлӧдлӧ сійӧ, Сьӧлӧмысь радлунсӧ виӧ... Муслунтӧ пужйыд оз кынты, Сывдӧ и муслуныд лымтӧ. Сійӧ ӧд, тӧлын кӧть арын, Ломзьӧ век ӧткодя яра.
Гижысь: 
Гижӧд
Лэбӧны медбӧръя коръяс...
Жанр: 

lkejrlkelkrgner klrjnelknfrkl ekjnrjkenfrej

1