КЫК ДРУГ
Кер пӧрӧдіс Комиын — юргис Педот, Петро — Украинаын гӧриг. Эз волыны воча, но орччӧдіс фронт, И дружба век оліс на сьӧрын. Би смерчӧн ми му вылӧ уськӧдчис враг, — Код нюкыльтас сы водзын пидзӧс! — Ми нырыштам! — висьталӧ коми салдат. — Пась гӧрам! — Петро вочавидзӧ. И матӧ нёль во найӧ нуисны тыш Сьӧд вынъяскӧд нинӧмысь повтӧг. И другъясӧс вермыны враг вӧліс ныж, — Бер фриц колис на киысь ловтӧг. Би смерчӧн ми му вылӧ уськӧдчис враг, — Код нюкыльтас сы водзын пидзӧс! — Ми нырыштам! — висьталӧ коми салдат. — Пась гӧрам! — Петро вочавидзӧ. Кор вынтӧм жар би, сэки уджалӧ штык, Враг юр вылӧ лэбӧ граната. И рурса металлысь броня сэк оз пык — Бӧр исковтӧ враглӧн атака. Би смерчӧн ми му вылӧ уськӧдчис враг, — Код нюкыльтас сы водзын пидзӧс! — Ми нырыштам! — висьталӧ коми салдат. — Пась гӧрам! — Петро вочавидзӧ. Враг кок улысь мездісны Волга и Дон, Курск, Харьков, Полтава и Киев. Эз кут найӧс Одер, и вельмӧм пеж пон Ас зверь гуас сюрис на киӧ. Би смерчӧн ми му вылӧ уськӧдчис враг, — Код нюкыльтас сы водзын пидзӧс! — Ми нырыштім! — висьталӧ коми салдат. — Пась гӧрим! — Петро вочавидзӧ. Кер пӧрӧдӧ Комиын — юргӧ Педот, Петро — Украинаын гӧриг. Став тышъяслысь ӧтлаын мунісны фронт, И удж вылын дружба на сьӧрын. И мӧдысь мед кырымсӧ лэптылас враг, Ог нюкыльтӧй сы водзын пидзӧс. — Ми нырыштам! — висьталӧ коми салдат. — Пась гӧрам! — Петро вочавидзӧ.
Гижӧд
Кык друг
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1