КЫДЗ ПУ
Гӧра йылын мича, еджыд кыдз. Тӧвкӧд сьыліс, катласис — зэв рыдз Кольӧма зэв ылӧ ассьыс рас, Ӧтнас шӧпкис зарни коръяснас. Сёрнитісны рытын кыдз пукӧд Лэбачьяс да кыа — кумач гӧрд. Эськӧ сылы тадзи овны век, Зарни корнас шӧпкӧдчыны сэк. Сӧмын ӧтчыд пемыд войын вот Виччысьтӧг друг воисны вит морт. Вӧліс сэн и квайтӧд. Ки и кок Чепталӧмны сылысь быдся ног. Чужӧмыс оз сотчы, кыдзи мак, Кокас киссьӧм, омӧлик башмак. Сылы сьывъяс кӧрталісны гез, Шуисны: — Ахмет, со тэныд мезд! Мыйта колӧ босьт тэ видз и му — Ставсӧ, мый тэн тӧдны ен эз шу! — Югдас-ӧ нӧ коркӧ енэж эрд? Чужъясьӧ и пессьӧ сэн Ахмет. — Мунісны тась врагъяс. Еджыд кыдз, Отсав меным — нюкыльтчыв: тэ нюдз. — Нюкыльтчывны рад, но абу вын... — Синмӧс кутіс вевттьыны руд тшын... Пемдас и ог аддзыв югыд свет, Аслам чужан мулысь паськыд эрд. Но сэн нэмсӧ ломзяс менам вир, Аддзас сылысь югӧрсӧ став мир. Некодыр оз ыркав сійӧ сэсь, — Гӧль войтырлӧн вирыс биа пӧсь! — Шуис тадз и ланьтіс сэн Ахмет, Сэсся сылӧн гӧлӧс шы оз пет. Шонді сылы югӧрсӧ оз кой, — Кыдз пу сьылӧ та йылысь быд вой.
Гижӧд: 
Жанр: 
Оригинал гижысь
Хәсән Туфан

lkejrlkelkrgner klrjnelknfrkl ekjnrjkenfrej

1