КОРОШО ЖИВЁШЬ!

Менам мамӧ вӧлі тӧдӧ рочнад кымынкӧ кыв: есь да нет да мый да. Весигтӧ быдса сёрникузяяс вӧлі тӧдӧ: ложимтися спать, нам некого ждать.

Вот эштанджык кадӧ, праздникъясӧ, менӧ мамӧ и велӧдӧ вӧлі рочӧн сёрнитны; кор ме, шуас, юала: «Вася, каково поживаёшь?», тэныд колӧ вочавидзны: «Корошо живёшь!»

Локтас мамӧ удж вылысь (ме горт ола, ог на вӧлі велӧдчы), юалӧ:

— Вася, каково поживаёшь?

Ме сылы зэв тшапа вочавидза:

— Корошо живёшь!

Со тадзи вӧлі и рочасям мамӧкӧд! Бура вӧлі гӧгӧрвоам мӧда-мӧднымӧс, кӧть невернӧ шуалам роч кывъяссӧ.

Ӧні со мукӧд мортыдкӧд сёрнитан тырбур кывйӧн: комиӧн и рочӧн и мукӧд пӧлӧс сёрниӧн, а гӧгӧрвоны он вермы! Юр вемным эськӧ эз на жӧ гудыртчы да!