КОР ПЛАВГЫСЬӦМА РЫТ
Кор Эжва весьтӧ мича, Лӧнь плавгысьӧма рыт, Тэ кыдзи сэк он видзӧд, Тэ кыдзи сэк он видзӧд Лӧз эрдас рытывбыд! Тэ видзӧдан и аддзан Ю эрдсьыс олӧм кад. И висьтавны-ӧ яндзим? И висьтавны-ӧ яндзим? Нэм лэптім — тувсов сад. Зэв кокни ӧні шуны, И шуиг кыв оз берд. А мыйта удж ми нуим И мыйта шог ми юим — Куш тӧдӧ юлӧн эрд. Кад вӧвліс — нур эг тӧдлӧй, И лоис сёйны кач. Но лолӧн ми эг пӧдлӧй, Удж ассьыным век тӧдлім, Кӧть тыртӧм вӧліс рач. А талун нывъяс-зонъяс... Дзик олӧм налӧн мӧд: Пет шуштӧм во — оз конъяв, — Пыр югыд енэж вонйыс, И некод шог оз тӧд. И Эжва весьтӧ мича Кор плавгысьӧма рыт, Тэ кыдзи гаж он видзӧд? Тэ кыдзи гаж он видзӧд? Ме радла рытывбыд!
Гижӧд
Кор плавгысьӧма рыт
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1