* * *
Кӧка часі лыддьӧ олан кад, Мам нёнь чурскӧ пузчужӧм на кага. Сьӧла-тарла муніс сылӧн бать — Лэчьяс кыйны муніс кынмӧм ягӧ. Гӧбӧч вылас куткырвидзӧ кань. Пӧрысь морт моз вомгорулас кургӧ. «Ӧввӧ» сьылӧ пиукыслы ань, Пачводз позйын ко-ко!-кайтӧ курӧг. Керка джоджыс аканьясӧн тыр, Накӧд ворсӧ ыджыдджыкыс — Тася. Ворсігчӧжыс варовитӧ пыр, Аканьяслӧн мамӧн шуӧ асьсӧ. Кадыс лэбӧ — коляс уна во, Коркӧ дугдас кӧкны важмӧм часі. Месӧ, гашкӧ, сэки ог нин ло, Мед жӧ лоас шуда мамӧн Тася!
Гижӧд
Кӧка часі лыддьӧ олан кад...
Жанр: 

lkejrlkelkrgner klrjnelknfrkl ekjnrjkenfrej

1