КӦЧЛӦН ПРАЗДНИК
Талун кӧчлӧн чужан лун ӧд. Воас гӧсьт да гӧстя уна. Кильчӧ вылӧ сувтіс кӧч — Гӧсьтъяс воасны вот стӧч. Ма со кыскӧ ош — дзонь бӧчка — Колӧ козьнавны вӧд кӧчтӧ! Сьӧкыд кыскынысӧ — мат... Кӧчыд лоас вывті рад! Ичӧт ур со, щӧть кодь уска, Вайӧ телега тыр сус коль. Телегаыс дзурлик-дзур... Кӧчлы лоас гӧснеч бур! Войбыд вуграсьӧма ручыд (Сійӧс некытӧн он удзӧд!) Шедіс сылы уна мык — Нуӧ кӧчыдлы пуд кык. Ылі сиктсянь (дас верст, гашкӧ) Кань со кыскӧ, ружтӧ-кашкӧ — Ыджыд-ыджыд кашник нӧк (Мʼоз жӧ вӧрзьы сылӧн гӧг!) Кӧза нӧбъялӧма морков, Воис кӧч керкаӧ коркӧ: Рудзалӧма ки и кок... «Лок жӧ, кӧза сваття, лок!» Козин эз вай Ваткыль миян, Но оз тӧждысь зонмыд сійӧ; Эм кӧ Ваткыль, оз босьт шог: Гудӧкӧн йӧктӧдас кок. Веж луд вылын чужан лунӧ Гажа праздник кӧчлӧн мунӧ, Гажыс ыджыд, гажыс ён — Йӧктӧ ош и руч, и пон.
Вуджӧдысь: 
Гижӧд
Кӧчлӧн праздник
Оригинал гижысь
Чернышева К.

lkejrlkelkrgner klrjnelknfrkl ekjnrjkenfrej