КИТШ-КИТШ-КИТШ!


Кыськӧ лэбзис варов катша.
Йӧрӧ пуксис: китш-китш-китш!
Градъяс костӧд муніс тшапа,
Китшъялігтыр вӧчис кытш.
Китш-китш-китш!

Кадыс водз на, сиктыс узьӧ,
Эз на мыччысь геб ни ном.
Синнас мурталыштіс мусӧ
Тэрыб катша-агроном.
Китш-китш-китш!

«Бобӧняня эжа бокас
Пукта капуль да морков.
Коді кортӧг татчӧ локтас —
Перъя сылысь мустӧм лов.
Китш-китш-китш!

Тані анькытш, эстӧн сёркни,
Вывтасінас лоӧ лук.
Ставсӧ ӧтнам кута сёйны,
Катша-ракакӧд ог юк».
Китш-китш-китш!

Ӧшинь улас петіс Оля:
«Ноко, катша, весась сэсь!..»
Катша вӧлӧгатӧг колис,
Коньӧр нимкодясис весь.
Китш— китш— китш!