ЭЖВА ВЫЛЫН
(Ытва дырйи)
Бадьяс вомӧн, видзьяс вывті, Джуджыд керӧс дорті Паськыд Эжва лӧня кывтӧ, Посни гынас ворсӧ. Кыа петӧ асыввылӧ: Вижӧдӧны пуяс. Быттьӧ кага ворсӧ ывла: Нюмъялӧны пуяс. Гажа асылын сэн сьылӧ Лэбач уна пӧлӧс. Ошкан сьылан, шогсян сьылан Сьылӧ налӧн гӧлӧс... Со нӧ пуръя — ӧти... уна Мӧдіс Эжва вывті. Коми морт сэн сьӧмла мунӧ, Нажӧткала кывтӧ. Ичӧт пыжӧн Эжва шӧрын Чери кыйысь вуджӧ. Пелыс тэрыба зэв вӧрӧ, Лоптаасьныс кужӧ. Керка юръяс керӧс йылын Ломтысьӧны биӧн. Ворсӧ чери Эжва вылын — Мыкъяс, кельчипиян. Ворс жӧ, чери, гыбав чеччав Паськыд Эжва ваын; Визъяв, тювкъяв, кай и лэччы, Шлавъяв уналаын. Серӧд юсӧ, шыльӧд васӧ, Чунькытш гӧгрӧс серӧн. Чери кыйысь, мортсӧ гажӧд Асыв, рытын сёрӧн. Эжва-й, сё майбырӧй аньӧй, Дона коми юӧй, Коми йӧзлысь жугыльлунсӧ Ну жӧ ылі муӧ! Ыджыд мездлун коми мортлы Мед жӧ гыыд ваяс. Визув паныд косьӧн, зыкӧн Гажлун мед жӧ каяс!.. Кывтіс пуръя, бӧжыс бердіс. Ставыс сэні узьӧ. Сӧмын коли мунӧм бӧрти Сьӧд визь Эжва кузя.

lkejrlkelkrgner klrjnelknfrkl ekjnrjkenfrej

1