ЧУДЬ МЫЛЬК

Чудьӧн шуӧны сэтшӧмъясӧс, кодъяс оз веруйтны. Найӧ гуасьлӧмаӧсь Висерын Кармылькӧ.

Тайӧ вераӧ пыртӧны да сэсся ӧти ныв пышйӧ. Пышъяс, пышъяс и ӧти ёльӧ сапӧг вошӧ. Сэсся ёльыс и кутас шусьыны Сапӧга ёль, кӧнкӧ Висер дорын. Сэсся водзӧ пышйӧ да Типӧ сиктӧ вотӧдз ӧти тыӧ шыбитас пасьсӧ, тыыс кутас шусьыны Сісьпася ты. Сэсся Одыбӧ вотӧдз шор выйим да сійӧ кутас шусьыны Рыся-Нӧкъя шор. Сэсся водзӧ пышйӧ, Одыбӧ воас, а сэні эм шор да сійӧ шор дорас нылыс кулӧма, и лоӧма Ныв шор.

Гашкӧ, сэсся и Нившераыс сэтысянь лоӧ. Ме ачым нин сідзи думайта.