АВТОБУС


Еджыд экран вылын котралӧны лӧза-вежа вуджӧръяс, вижа-гӧрда югӧръяс. Серыс вежласьӧ батьӧн ньӧблӧм калейдоскопын моз. Мамыс кадысь кадӧ кыскыштлӧ ар куима зонкаӧс шарпӧдыс. Зонка пидзӧсчанясьӧма пуклӧс вылӧ, шашаритчӧма кӧрт таскӧ. Медся ыджыд виж югӧрыс — шонді.

Ӧшинь — тетрадь лист кодь. Позьӧ шонді улӧ рисуйтны пу. Зонка серпасалӧ, но автобуссӧ зӧркйӧдлӧ, да пу местаӧ артмӧны сӧмын гыжнаяс.

Зонка топӧдӧ чуньяссӧ ӧшинь бердӧ. Гыӧр сылӧ, кольӧны чунь туйяс. Нёль розьӧд мыччасьӧны керка ӧшиньяс, сюръяяс. Окота видзӧдлыны ывласӧ дзоньнас. Зонка шлапкӧ кисӧ ӧшиньӧ, сэсся вежӧ кынмӧм кисӧ. Китуйкӧд артмӧ орччӧн мӧд.

Кыкысь дзирдыштлӧ шонді. Кыкысь ёрӧ синсӧ. Зонка читкыртчӧ. Автобус джӧмдӧ. Зонкаӧс босьтӧны шарпӧдыс да сувтӧдӧны джоджӧ. Зонка восьтӧ синсӧ да дыр оз гӧгӧрво, мый водзвылас кодлӧнкӧ руд пальто бӧждор.


Гижысь: 
Гижӧд
Автобус
Жанр: 

lkejrlkelkrgner klrjnelknfrkl ekjnrjkenfrej

1