АРСЯ МӦВПЪЯС
Жугыля видзӧдӧ шонді: Гожӧмыс муніс. Сьӧдасис са сьӧдӧдз войыс, Дженьдаммис луныс. Енэжлӧн дӧмаса дукӧс Сьӧд мусӧ личкӧ. Шенасьӧ зумыштчӧм вой тӧв — Пӧлялӧ-швичкӧ. «Енэж шӧр шонділысь нюмсӧ Гожӧмнас коркӧ Тӧдліс-ӧ сьӧлӧмыд тэнад, Сё муса ёртӧй? Тувсов вой веж яла яглысь Кывлін-ӧ мойдӧм? Кытӧні коллялін сэки Лунтӧ да войтӧ?» «Удж вылын, удж вылын, ёртӧй, Сьӧкыд удж вылын. Эз ӧд сэк шондіыс нюмъяв — Гирзис ме вылын. Эз мойд мем веж яла ягыс Тіньгисны номъяс: Кузь войбыд узьны эз лэдзны Вӧр керка чомйын...» «Ӧти йӧз шывъялӧ-олӧ, Пӧсь кисьтӧ мукӧд... Сідзкӧ нӧ кодлы нӧ сьывныс, Сё муса другӧй?»
Гижысь: 
Жанр: 
Гижан кад: 

lkejrlkelkrgner klrjnelknfrkl ekjnrjkenfrej