1867ʼ ВОЛЫ
Югыд-ӧ тэ пемыд петан? Мый тэ бара меным сетан? Гу кӧ? Меным ӧткодь дзик. Олӧм? Олам ньӧжйӧник. Тӧдан, ичӧт миян вынным; Олӧм-из, мый туплялам, Абу сы серти; ме рам Лои; тайӧ уджысь мынным Абу шог мем; коляс морт, Вежас менӧ. Вежӧ, энӧ, Кодыр воссяс меным горт, Пыра, нем оз сувтӧд менӧ… «Выль во, выль шуд», — шуӧны. Морта-мортлы сӧрӧны. Шуд тэ он сет; лыйлӧ сійӧ Бианьӧв моз киысь киӧ, Сӧмын киньнас югйыштлас, Сэн-тан коляліг сьӧд пас… «Выль во, выль шог кыдзи нуны», — Со мый колӧ эськӧ шуны, Морта-мортлы отсаліг Нуныс сійӧс ньӧжйӧник. Волытӧм гӧсьт шуд тай; сійӧс Виччысигас кымын тош Дзормис, а гӧсьт оз на вош Керкаас ни сьӧлӧм пиас. Мортлӧн мед оз ӧти вун, Дженьдӧдны кыдз шудтӧмлун. Понда-ӧ ме вый моз сывны Шог би вылын, ӧткӧн кывны Ассьым ойзӧм? Лоас-ӧ, Кыдз пыр сьӧлӧм виччысьӧ, Сідз, мый шоныд пытштӧм позйӧ Таво овмӧдчам ми гозъя?
Гижысь: 
Гижӧд
1867ʼ волы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej