ЧУЖМӦР НЫЛӦЙ-ЧАБАНӦЙ


— Чужмӧр нылӧй-чабанӧй, чабанӧй.
Кӧн нӧ тэнад вала туйыд, вала туйыд?
— Менам вала туйӧй, вала туйӧй
Байдӧг баксан шор дорын, шор дорын.

— Чужмӧр нылӧй-чабанӧй, чабанӧй.
Кӧн нӧ тэнад песла туйыд, песла туйыд?
— Менам песла туйӧй, песла туйӧй
Дозмӧр котсян яг дорын, яг дорын.

— Чужмӧр нылӧй-чабанӧй, чабанӧй,
Кӧн нӧ тэнад турун туйыд, турун туйыд?
— Менам турун туйӧй, турун туйӧй
Тури пуксян нюр дорын, нюр дорын.

— Чужмӧр нылӧй-чабанӧй, чабанӧй,
Кӧн нӧ тэнад оланіныд, оланіныд?
— Менам оланін мича ю дорын,
Гажа, гажа ва дорын, ва дорын.