* * *

Тэ корсян радлун олӧмсьыс да шуд,
Тэ кӧсъян босьтны ассьыд олан визь,
Но шудсӧ олӧм некодлы оз видз,
Он тышкасьны кӧ сы вӧсна тэ кут.

Оз видз, он дорйы правдасӧ кӧ тэ,
Оз видз, он паныд лёкыслы кӧ сувт,
И чужан мутӧ, мыйыс мед эз су,
Дась дорйыны кыдз асьтӧ вӧлін мед.

А ылыстчас кӧ полысь, вынтӧ зэвт
Да орччӧн аскӧд татшӧмсӧ эн кут.
Быд мортлы вичмӧ ӧти ыджыд шуд,
Но мортӧн лоны
Кыв кутана зэв.