ТРАКТОРИСТ
Вӧр участокӧ сёр рытын Воис шинеля том зон. Ме пӧ лоа трактористӧн, Эм пӧ сы вылӧ диплом. Непӧштӧ диплом, а право, Школа помалі пӧ таво. Мый пӧ чужӧмъясныд нор? А ми, нывъяс, сылысь кывзам, Шуам: «Зонмӧй, эн-ӧ вош? Вӧрын трактор тэн оз кывзы: Оз на быдмы ус ни тош». Сійӧ вочавидзӧ: «Часлы! Сёрни — та йылысь вай аски; Талун сёрнитам мӧдтор...» Пуксис трактор вылӧ сійӧ, Бура кывзысьӧ сталь вӧв. Прӧста сералімӧй сійӧс, — Сьылӧ зон йылысь став вӧр. Аслас зільлунӧн да сямӧн Уджын ставсӧ сійӧ панйис, — Торксис нывъяслӧн покой. Шуам: «Мигнитлы кӧть ӧтчыд Лӧзов, мелі синъяснад». Нюмъёвтлас, сталь вӧлӧн рӧдтіг, Но сэсь нинӧмтор оз пет. То ли дзебӧ ассьыс муслун, То ли радейтны оз кӧсйы, — Нюмыс пӧсьлунсӧ оз кой. А сёр рытын кыдзкӧ ӧтчыд Сыкӧд танец йӧктім ми. Тайӧс ме ог вунӧд ньӧтчыд: Кылі пӧсь да мелі ки. И мен пельӧ гусьӧн вашкӧ: Тэнӧ колльӧдны пӧ, гашкӧ? Дась пӧ любӧй кадӧ ме. Мый ме вочавидзи татчӧ, Пытшкӧ муслун кор эз тӧр? Шуи сылы: — Ыджыд аттьӧ, Ыджыд аттьӧ, сьӧлӧмшӧр! Тэнӧ радейта ме пӧся. Лоан сьӧлӧмлы тэ гӧстьӧн... Мыйла паныд сувтны мен?! 1951 во.
Гижӧд
Тракторист
Жанр: 

lkejrlkelkrgner klrjnelknfrkl ekjnrjkenfrej

1