* * *

Тайӧ тӧлыскӧд олӧмыс ӧтвылысь вӧлі:
Дурис-шыбласис ловъясӧн лым чирйӧн моз.
Сьӧкыд висьӧм кодь, вунлытӧм висьӧм кодь тӧлыс
Кыськӧ сьӧлӧмысь нэм кежлас корсьысис поз.

Тайӧ турӧбыс ставнысӧ нӧшаліс-дойдіс,
Быттьӧ висигӧн сӧрлі, а мый — ог нин тӧд.
Кыдз и пыр, бара ылӧдіс збыльмытӧм мойдыс.
А ме кага моз эски, мый еджыдыс — сьӧд.

Тайӧ тӧлыс, дерт, вунӧдас ставсӧ и мунас —
Нуас аскӧдыс кывбур, мый силі ме тэд.
Тӧвся висьӧмыс бурдас и кодлӧнкӧ вунас.
Но а кодлӧнкӧ чӧсӧдас дыр на, оз пет.