СЁ МАЙБЫРӦЙ, ОЛӦМӦЙ
Сё майбырӧй, олӧмӧй, Да кытчӧ бара кольӧма? Кытчӧ бара кольӧма да. Ёль пос вылас кольӧма. Ёль пос вылас кольӧма да, Джуджыд жӧ пӧ керӧсыс. Джуджыд жӧ пӧ керӧсыс да, Крутӧй жӧ пӧ кыркӧтшыс. Крутӧй жӧ пӧ кыркӧтшыс да, Визув жӧ пӧ и ваыс. Визув жӧ пӧ и ваыс да, Ва визувнас кывтӧма. Ва визувнас кывтӧма да, Сине море кузяыс. Сине море кузяыс да, Вой мореас кывтӧма. Вой мореас кывтӧма да, Море дорас кӧ лэччан. Море дорас кӧ лэччан да, Сэн пӧ ӧд дядьӧ куйлӧ. Сэн пӧ ӧд дядьӧ куйлӧ да, «Ой, дядьӧй, дядьӧй, дядьӧй. Ой, дядьӧй, дядьӧй, дядьӧй да, Кымын караба кывтіс?» «Кымын караба кывтіс да, Куим караба кывтіс». «Куим караба кывтіс да. Шӧр карабас пӧ вӧлі, Шӧр карабас пӧ вӧлі да, Менам милӧй мусукӧй. Менам милӧй мусукӧй да, Сійӧс пӧ ме суа ог? Сійӧс пӧ ме суа ог да?» «Тэ пӧ сійӧс он нин су. Тэ пӧ сійӧс он нин су да, Сылы пӧ ӧд зэв нин важ. Сылы пӧ ӧд зэв нин важ да, Тӧлысьӧн пӧ дай джынйӧн». «Тӧлысьӧн пӧ дай джынйӧн да, Сылӧн пӧ ӧд сьӧлӧмыс, Сылӧн пӧ ӧд сьӧлӧмыс да, Изйысь пӧ дай укладысь. Менам пӧ ӧд сьӧлӧмӧй да Сылӧн сьӧлӧм пытшкиын».
Гижӧд
Сё майбырӧй, олӧмӧй

lkejrlkelkrgner klrjnelknfrkl ekjnrjkenfrej

1