СЭКИ ВОЛАС


Зэрӧй, зэрӧй, эн вай зэр, 
Талун рытыс мича колӧ.
Пет вай, шонді, югзьӧд олӧм, 
Вежлы мулысь шуштӧм сер, 

Лысва видзьяс вылысь босьт,
Гыӧн ызгысь юсӧ ланьтӧд –
Мӧдлапӧлын олысь анькӧд
Аддзысьлытӧг мен оз позь.

Кыскӧ менӧ ю сай сикт, 
Вемӧсын и вӧтын кыскӧ…
Луныс воысь дырджык кыссьӧ,
Гортысь петавны он письт.

Зэрӧй, зэрӧй, вай жӧ лӧнь, 
Талун рытыс мича колӧ –
Сьӧлӧмшӧрӧй сэки волас,
Кык туй ӧтласьӧны кӧн.