СЫКТЫВКАРСА ВЕЖ ТОПОЛЬЯС УЛЫН


Сыктывкар весьтын эзысьӧн пӧртмасьӧ рыт,
Лӧня шӧпкӧны топольяс веж нӧрыс йылын.
Паркын музыка ворсӧ, оз ланьтлыв рытбыд,
Миян сьӧлӧмным сьылӧ.

Долыд воськолӧн восьлалӧ томлун,
Кутлӧ топыда миянӧс сійӧ.
Мыйта дзирдалан шудыс, том друг,
Мыйта гажыс да нимкодьыс миян!

Веж аллеяті надзӧник восьлалам ми,
Кыа кусліс и бара нин надзӧник ӧзйӧ.
Тайӧ — тувсовъя му вылын олӧмлӧн мич
Воча миянлы тӧвзьӧ.

Пӧся ышловзьӧ муслун и топӧдлӧ ки,
Сійӧ ланьтӧмӧн татӧні овны оз вермы.
Шонді кыпӧдчӧ вылӧ, и разӧдчам ми,
Сӧмын сьӧлӧм оз нормы.

Долыд воськолӧн восьлалӧ томлун,
Кутлӧ топыда миянӧс сійӧ.
Мыйта дзирдалан шудыс, том друг,
Мыйта гажыс да нимкодьыс миян!

1955 во