СУЛАЛІС КОЗ


Тайӧ козйыс быдмис эз тӧлысь и эз во-мӧд, а матӧ сё во.

Пуяс пӧвстын сійӧ вӧлі медся ыджыд, медся паськыд. Ни бушковъяс, ни кӧдзыдъяс эз повзьӧдны сійӧс. Вылӧ лэптӧма кудриа юрсӧ, сулалӧ багатыр кодь ён.

Быд морт, коді мунліс тайӧ пу дінтіыс, сувтыштліс, нимкодясьліс сійӧн. Сійӧ пушкыртчӧм лапъяс улын шойччылісны мудзӧм войтыр, дзебсьылісны зэрысь тшак да пув вотысьяс, природа радейтысьяс.

Колӧкӧ, дыр на сулаліс козйӧ-козйӧ, но притча суис. Гашкӧ, тӧв сійӧс чегис, либӧ вӧр лэдзысь кераліс? Эз. Сійӧс пӧрӧдіс браконьер Трӧпим. Артмис тайӧ тадзи. Сылӧн понйыс коз вылысь заводитіс увтны урӧс. Трӧпим дзоръяліс синъяс доймытӧдзыс, но зверӧс сідзи и эз аддзы. Татшӧм джуджыд пуысь сьӧкыд сійӧс казявны. Небыдик гӧна ур вӧлӧма мудер.

Трӧпим, шонъян, кӧсйис лыйны пу пӧлӧн, медым петкӧдчис дзебсьӧм ур, но жалитіс дрӧб-пороксӧ. Кучкис гоз-мӧдысь пуӧ, но и та бӧрын урӧс эз аддзы.

Пищаля мортлы позис эновтны дзебсьӧм зверӧс, мунны водзӧ — пармаыс тай паськыд. Ур ӧти пуын овны оз кут, талун либӧ аски сюрӧ вӧралысьлы мушка вылас. Но кын сьӧлӧма Трӧпимыд шуис пӧрӧдны пусӧ.

Дыр ковмис керавны, абу ӧд вӧсни пуыс. Век жӧ лэчыд чер вӧчис ассьыс уджсӧ. Дрӧгнитіс пушкыртчӧм пу, шатовтчыштліс ӧтарӧ-мӧдарӧ, и, кудриа лапъяссӧ чегъялігтырйи, грымгысис кын му вылӧ.

А ур пышйис...

Тані ӧні некор нин оз шойччыны мудзӧм войтыр, найӧс некод нин оз дзеб зэрысь. Тадзи помасис олӧмыс козлӧн: куйлӧ муын да сісьмӧ.


Гижӧд
Сулаліс коз

lkejrlkelkrgner klrjnelknfrkl ekjnrjkenfrej

1