* * *

Рӧмпӧштан кодь шыльыд
Йизьӧм туйыс. Вильыд.
Воськовтны он лысьт.
Видзчысьӧмӧн муна,
Век жӧ вильда, суна
Недыр мунӧм мысьт.

Поводдяыс сэтшӧм,
Аслыспӧлӧс этша:
Зэрас, усяс лым,
Нюмъялыштас шонді,
Вой тӧв пӧльтны пондас,
Ульдас, бара кын.

Ӧти пӧлӧс паськӧм
Асыв кежлӧ дасьтан.
Садьман, колӧ мӧд.
Олӧмад тай сідз жӧ,
Мыйысь асьтӧ видзны,
Водзвыв он век тӧд.

Виччысян век бурӧс,
Надейтчан, мый сюрас
Тшӧтш и тэныд шуд.
А кор шудыс вичмас,
Гӧгӧр ставыс мичмас,
Майшасьны он кут.