ПЕРВОМАЙСКӦЙ
Тувсов шонді дзирдсӧ койӧ. Югыд сылӧн чужӧмбан. Тулыс восьлалӧ зэв збоя Сьылігтырйи сэн и тан. Ваыс туӧ ёна, ёна. Ойдіс ставнас Эжва сай. Олан-вылан, миян дона, Миян зарни Первомай! Сиам став Сӧветскӧй мулы Водзӧ восьлалӧм да шуд. Сиам, мед выль воӧм тулыс Ӧддзӧдас колхознӧй труд. Мед жӧ тракторист оз мудзлы, Бура небзьӧдас быд йӧр. Сиам кылӧдчысьлы — друглы Нуны местаӧдз став вӧр. Нефтяниклы да шахтёрлы Выль победа сиам ми. Сиам, уджным мед оз орлы, Мед оз мудзлы миян ки. Сиам муяс вылысь таво Босьтны озыр урожай. Биа чолӧм, чесьт и слава Тэныд, зарни Первомай!
Гижӧд
Первомайскӧй
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1