ОК МИЛӦЙӦЙ, МИЛӦЙӦЙ ДА


   Ок, милӧйӧй, милӧйӧй да,
Шобді булки чужӧмӧй.
Юмов преник вом дорӧй.
   Ок, милӧйӧй, милӧйӧй да,
Ӧзъялан чигаркаӧй,
Ӧзъялін да ӧзъялін,
Ӧзъялін да и кусін.
   Ок, милӧйӧй, милӧйӧй,
Рытъя виччысянторйӧй,
Войся сӧвет вӧчысьӧй,
Пельӧс сайын кутлысьӧй,
Тюпель пӧтшва кисьтысьӧй.
   Ок, милӧйӧй, милӧйӧй,
Асылын колльӧдысьӧй,
Ужынтӧг узьтӧдысьӧй,
Ӧбедтӧг уджӧдысьӧй,
Пажынтӧг лунйӧдысьӧй.
   Ок, милӧйӧй, милӧйӧй,
Бать-мамысь кӧдзӧдысьӧй,
Чой-вокысь янсӧдысьӧй,
Рӧд-вужысь янӧдысьӧй.
   Ок, милӧйӧй, милӧйӧй,
Вунӧдін тай, вунӧдін,
Эн тай кӧсйы вунӧдны,
Нэм тай кӧсйин радейтны.
   Ок, милӧйӧй, милӧйӧй,
Вунӧдін тай, вунӧдін,
Шог-печаль вылӧ колин.