МЕ МУНІ ВИТСЁ БИ ПЫР
Ме муні витсё би пыр, яйӧй — вир да дой, Но кось кӧ лыбас выль, ог дзебсьы джуджыд пышӧ, А первойӧн пыр тӧвзя ыджыд, чорыд тышӧ И лоа сэн, оз кытчӧдз вирнас вӧрӧг ойд. Сэн вермас усьны юр! Но йӧзлы лоас шуд, И миян му весьтын зэв югыд лоас шонді. Ог аслым ӧд ме ов, а ола, медым шонтіс Пӧсь сьӧлӧмӧй ас бинас йӧзлысь олан куд. Ми чужим му вылас выль тэчны олан дыр, И тыштӧг дзоридз сэн оз восьты ассьыс сыр, Кӧть копрась сы водзын тэ нэм да дойдав пидзӧс. И уся кӧ, ог кор, мед сувтӧдісны мен Гранитнӧй памятник, нэм сулалі мед сэн. Бур кыв кӧ шуасны, и сыысь аттьӧ видза! 1968
Гижӧд
Ме муні витсё би пыр
Жанр: 

lkejrlkelkrgner klrjnelknfrkl ekjnrjkenfrej

1