МЕДСЯ ИЧӦТ ЗВЕР
«Сьӧкыд менам олӧм, — Шуис ӧтчыд кӧч. — Некод меным бурсӧ Коньӧрлы оз вӧч. Ручыс менӧ сёйӧ, Кыйӧ менӧ морт. Ог ме весиг тӧдлы Ассьым шоныд горт. Вӧръясын ме коньӧр, Медся ичӧт звер. Меысь, позьӧ шуны, Ичӧтыс оз тӧр. Татшӧм сьӧкыд олӧм Абу выя нянь. Муна ваӧ пыра, Мучитчыныд шань!» Синва кӧчлӧн киссьӧ, Мӧвпыс абу бур. Мунӧ сійӧ ваӧ Сюйны ассьыс юр. Кыркӧтш дорас сэки Пукалӧма шыр. Повзис сійӧ кӧчысь, Пышйис пырысь-пыр. Шырлысь пышйӧм аддзис Кӧчлӧн гӧгрӧс син, Долыд лои кӧчлы, Соді сылӧн вын. «Эм на тай, со, — шуӧ, — Меысь ичӧт звер. Позьӧ на мем овны, Бергӧдча ме бӧр!» Косьмис кӧчлӧн синва. Ваӧ кӧч эз пыр: Медся ичӧт зверыд Вӧлӧма тай шыр!
Гижӧд
Медся ичӧт звер
Жанр: 

lkejrlkelkrgner klrjnelknfrkl ekjnrjkenfrej

1