* * *

Лымйыс гылалӧ помтӧг, зэрыс лювгӧмӧн усьӧ,
Быттьӧ дзор пӧль юр весьтын бӧрдӧ томиник ныв.
Кыдзкӧ вывті нин нора, кыдзкӧ вывті нин гусьӧн,
Ньӧжйӧ йӧктӧны кыкӧн — йитӧ найӧс пӧсь сыв.

Зэрыс енэжас вӧйӧ, коді собӧ ва гӧптас,
Лымйыс копыртчӧ сылань, кыдзи потанлань мам.
Сійӧ гусьӧник мыйкӧ важӧн тӧдсаӧс шӧпкас,
Бӧрдысь зэрыслӧн кытчӧдз пемыд шогыс оз ям,

Сідз и куласны кыкӧн — помтӧм енэжыс кусӧ,
Сӧстӧм лэбӧмлы здукӧн воас тӧдлытӧм пом.
Ставыс гудрасяс: коді кодлы вӧлі на муса,
Коді пӧрысьӧн вӧлі, а код вывті на том.